Lötter Familiewebwerf

Welkom by Ivan S. Lötter se navorsing oor die Lötters van Suider-Afrika Die volgende is ‘n opsoming van die inligting op dié webwerf: Matthias Lötter vanaf Augsburg, Swabe is die stamvader van alle Lötters in Suid-Afrika. Na sy aankoms aan die Kaap in 1733 word hy ‘n vryburger en vestig hom in Kaapstad as silwersmid. Net drie van sy seuns het afstammelinge in Suid-Afrika. Sedert die 1500s was Augsburgse silwerkuns gesog en Matthiase Lotter Snr en Jnr se silwerkunswerke van die 1600s is vandag nog bekend. Die vroegste inskrywing van Lotters in Augsburg is in 1497 waar ses Lotters in Augsburg se Belastingsregister genoem word. Carl Lotter se boek oor die familie Lotter in Swabe werk terug tot Bartholomaüs Lotter wat in 1531 gebore is en ‘n ysterhandelaar van Augsburg was. Die Lötter-familie van Regensburg se familiewapen wat Siebmacher in sy boek oor eerbare families beskryf het, is dieselfde as die familiewapens wat Bartholomaus se seuns in 1606 beskrywe het. Vir meer inligting lees die uittreksels wat op die webblad gepubliseer is. STAMBOOM vertel kortliks die verhaal van die stamvader Matthias en die stambome van sy drie seuns. ANGLO-BOERE OORLOG fokus op die Lötters se aandeel in die oorlog en die Kommando van Kommandant Johannes Cornelius LöTTER. FAMILIENAAM verduidelik die etimologiese oorsprong van Lötter. FAMILIEWAPEN verduidelik die geskiedenis en betekenis van die wapen. Volg die skakels in die tabel aan die linkerkant van die tuisblad. E-pos ons gerus met u Lötter familie. Sien Kontak Die informasie op die webwerf is onderworpe aan kopiereg.